PUČKO OTVORENO UČILIŠTE
DR.JURJA ŽERJAVIĆA ZLATAR

Prva nagrada Zbora malih pjesnika Zlatar 2016.

Jan Kos, VII.r.

OŠ Gornji Mihaljevec

Voditeljica: Lidija Novak Levatić

DUŠA ZEMLE MEĐIMURSKE

Kaj je duša zemle međimurske?

Morti su to ftiči kaj na drevi popevlejo

ili so to potoki ki okoli zemel žvrgolijo?

Brščas bo tak.

So to bregi zeleni kaj na sunco se bleščijo

ili pak zemlica ravna po šteroj motike tučejo?

Brščas bo tak!

Brščas bo to red goric ki sako leto tak dobro rodi

i prijatele store okoli kupice zbere,

a lehko da je to i pesma stora kaj v srce te dira

i saki pot znova veselje donese.

Brščas bo tak.

Se bi to bilo i se je to prav,

al' samo je človek duša zemle,

človek šteri ima ju rad!

Druga nagrada Zbora malih pjesnika Zlatar 2016.

Nina Prežigalo, VIII.r.

OŠ Krapinske Toplice

Voditeljica: Mira Korbar

NIGDE LEPŠE NI

Tuj, gde plodna je moja njiva,

tuj, gde kraj starog hrasta raste gljiva,

tuj, gde vse se zeleni,

nigde lepše ni …

Tuj, gde mi gusta diši husta,

tuj, gde stezica mi blatnjava i pusta,

tuj, gde vse se zeleni,

nigde lepše ni…

Tuj, gde mi v trnacu se zibljeju vočke,

tuj, gde deca brojiju bubamarine točke,

tuj, gde vse se zeleni,

nigde lepše ni…

Tuj, gde srce mi hoče biti,

tuj, pri potoku gde volim se hmiti,

tuj, gde vse se zeleni,

nigde lepše ni…

Tuj, gde med bregima je moja sreča,

tuj, gde sem saki dan vse veča i veča,

tuj, gde vse se zeleni,

nigde lepše ni…

Treća nagrada Zbora malih pjesnika Zlatar 2016.

Leda Varžić,  IV.r.

OŠ Oroslavje

Voditeljica: Ankica Šuk

JESEN JE TAK DIŠEČA

Jesen je tak dišeča,

Kak kruha puna vreča.

Kak hruške debele,

Kak jabuke ciele.

Kak moštek h klieti,

Kak nebe tere nam z gromom prieti.

Kak oreh h orehnjače,

Kak buča h bučnice.

Kak pobrane gruojzdje h podrumu,

Kak rakija teru sme dali kumu.

Kak kvočke h kokošinjcu,

Kak jajce h loncu.

Jesen je tak dišeča gda nam z plodovima f hižu dojde,

Da nam tulike zdravlja odjemput za rukom pojde.

Najbolja domoljubna pjesma:

Martina Kućan, VI.r.

OŠ Legrad

Voditeljica: Jelena Okić-Premec

TA REČ

Ima vu meni jena lepa reč

kaj mi iz mene nemre pobeč.

Ona se nikam z mojega srca ne da,

nikam ne luta, nikam ne dide, nigda.

S njom se sigdi najbolše provodim

i vu muzeje i se po sot jo vodim.

Ta reč meni vu životu znači se.

Najlepša moja riječ Hrvatska je!

Najbolja pjesma autora iz nižih razreda:

Mia Šalja, I.r.

OŠ „Petar Zrinski“, Šenkovec, Čakovec

PŠ Mačkovec

Voditeljica: Senka Saško

BELA PESMA

Beli je sneg

i beli breg.

Bela je breza

i pod jom

bela steza.

Beli je moj kraj

i celi moj zavičaj.

V zimi se je belo

i moje malo selo.